Media release_Lider dezenvolvimentu internasionál ida simu knaar foun nu’udar Diretór Prezidente

Lider dezenvolvimentu internasionál ida simu knaar foun nu’udar Diretór Prezidente

 

1 Fevreiru 2017

 

Lider programa ida iha área dezenvolvimentu internasionál ho esperiénsia boot, naran Stuart Thomson, sei komesa servisu iha East Timor Hearts Fund iha fulan Fevreiru nu’udar Diretór Prezidente, hatete Prezidente Konsellu Administrasaun ohin.

“Designasaun ida-ne’e akontese iha moment importante ida ba East Timor Hearts Fund”. Dehan Sra. Svendsen.

“Iha tinan hirak tuir mai, ami sei haboot liu tan ami-nia servisu fornese sirurjia fuan, ne’ebé salva ema-nia moris, iha Australia ba pasiente barak liu tan, ho iha tempu hanesan, tau matan ba problema saúde fuan-nia kauza abut   

iha Timor-Leste, ho inisiativa ba prevensaun, peskiza ho edukasaun.

“Konsellu Administrasaun haksolok tebetebes atu simu ema ida ho Stuart-nia esperiénsia, enkuantu East Timor Hearts Fund muda nia modelu husi karidade foin mak harii, bá organizasaun ida ne’ebé maduru no foku ba dezenvolvimentu”.

Sr. Thomson uluk hela ho servisu nu’udar enfermeiru iha Timor-Leste, ho  mós rian sira-seluk dezenvolve hela. Nia servisu tiha ba organizasaun hanesan Oxfam, no mós iha knaar ba harii World Vision-nia kampaña Child Health Now, kampaña ida ne’ebé hetan prémiu husi ONU, ho implementa iha nasaun 40 resin.

Sr. Thomson dehan katak nia kontente tebetebes ho oportunidade ida-ne’e atu haburas no komanda organizasaun ida ne’ebé servisu la’ós de’it ba “hadi’ak fuan-tohar” maibé foku mós ba asuntu prevensaun.

“Ha’u ansiosu hahú ha’u-nia knaar iha organizasaun fantástiku ida-ne’e, atu atinje nia poténsia másimu.“ Sr. Thomson dehan.

“Oportunidade ida-ne’e sei fó ha’u satisfasaun boot, atu tulun East Timor Hearts Fund ajuda pasiente barak liu tan, no mós suporta dezenvolvimentu servisu saúde sira ne’ebé Timor-oan sira presiza, tanba la iha asesu ba sirurjia fuan no tratamentu preventivu.”

Sr. Thomson hatete katak nia motiva atu simu knaar foun ne’e tanba razaun pesoál ho mós profisionál. “Tinan balun liu ba, ha’u-nia família ho ha’u koko, maibé la ho rezultadu, atu lori labarik-oan ida tinan haat, ne’ebé ha’u-nia feen-nia parente husi rai Tanzania, mai Australia ba simu tratamentu fuan. Infelizmente, nia mate molok ami konsege arranja buat hotu ba lori nia mai.”

“Momentu triste ne’ebá iha impaktu boot ba ami-nia família, no ha’u rai esperiénsia ne’e iha ha’u-nia laran, katak kondisaun médiku ida ne’ebé loloos bele kura fasil duni ho tratamentu, maibé tanba la iha asesu ba tratamentu, rezultadu sai fali trajédia.”

Sr. Thomson dehan katak nia esperiénsia ho nia oan-mane rasik, bainhira nia simu diagnóstika murmura-fuan, sai oin seluk loos. “Istória ne’e nia tema maka ‘diferensa entre nasaun rua’, besik loos malu no semo aviaun horas ida de’it, maibé nasaun rua ne’e-nia destinu sai diferente loos. Ha’u hakarak fó ha’u-nia kontribuisaun atu hatebes katak injustisa ne’e sai tiha problema pasadu-nian”

Sr. Thomson sei komesa nia knaar foun ne’e iha Fevreiru loron 13, ho semo ba Timor-Leste iha fulan ida-ne’e nia remata, hodi koñese parseiru sira iha area saúde, no apoia ekipa médiku-nia klínika ba identifika moras fuan iha Dili no iha distritu.

Sra. Svenden hato’o nia parabéns ba Diretór Prezidente interinu Sr. Mike Gregory, ne’ebé kaer hela knaar ne’e dezde Outubru tinan 2016.

Bele lee Sr. Thomson-nia blogue iha ami-nia website easttimorheartsfund.org.au.

 

Write a comment

Comments: 0